นิทาน เรื่อง พ่อเฒ่าเลือกลูกเขย
เนื้อเรื่อง
ย่อนว่าสาวตื๋อ เลากะคนหน้าตาไค(สวย)แหน่เนาะ มีผู้บ่าว(ชายหนุ่ม)มาม่าย(จีบ)หลายคนอยู่ ผู้บ่าวบ้านเดียวกันนำ บ้านอื่นนำ บ่าวกึ่มกะผู้หนึ่งในหนั่นล่ะหว๋า
พ่อของสาวตื๋อ เห็นว่าเถิง(ถึง)เวลาแล้วที่สิซ่อย(ช่วย)ลูกสาวเลือกคู่ กะบอกกับลูกสาวว่า
? พ่ออยากได้ลูกเขยที่ขยันขันแข็ง เอาการเอางาน มาซ่อยพ่อเฮ็ด(ทำ)ไฮ่เฮ็ดนา เด้ลูกเอ้ย พ่อสิซ่อย(ช่วย)เบิ่งให้?
? แล้วสิเบิ่งจั่งได๋ล่ะพ่อ จั่งสิฮู้ว่า ผู้ได๋เป็นคนขยันขันแข็ง เอาการเอางาน? สาวตื๋อถามพ่อ
? โอ้ย..มันสิเบิ่งยากหยัง ผู้ได๋ขยันเฮ็ดงาน หนักเอาเบาสู้ แค่บาย(จับ)มือกะฮู้แล้ว มือมันสิ หยาๆ ด้านๆ?
แล้วพ่อกะสั่งสาวตื๋อ ให้บอกพวกผู้บ่าว(ชายหนุ่ม)ที่มาเล่นนำซุคน ว่าพ่อสิเลือกลูกเขย ในมื้อนั่นมื้อนี้
นัดกันเรียบร้อย แล้วกะเถิงมื้อนัด ผู้บ่าวสาวตื๋อ กะมาซุคน(ทุกคน)เด้
ฝ่ายบ่าวกึ่ม เลากะฉลาด เอามือปั้นข้าวเหนียวที่มันแฉะๆ เหนียวๆ ให้ข่าวเหนียว(ข้าวเหนียว)ติดมือนั่นหนา แล้วกะปล่อยให้มันแห้ง เตรียมโตไว้ ท่าให้พ่อสาวตื๋อเลือกเต็มที่
พ่อสาวตื๋อ กะเอิ้นเข้าไปทีล่ะคนๆ บายมือแล้วบายมืออีก กะจดจำไว้ว่า มือผู้ได๋ หยา(หยาบ)กว่าผู้อื่น บาย(จับ)ไปบายมา กะมาเถิงคิวของบ่าวกึ่มเด้ อีตาทีเนี่ย
บ่าวกึ่มเด่มือขวาเข้าไป พ่อสาวตื๋อบาย(จับ)เบิ่ง
? โอ้.. มือบักอั่นนี้ หยา(หยาบ)ดีคักเว่ย ? เลาคึดย่องในใจ
? ไส ลองเอาข้างซ้ายมาเบิ่งดู้ ?
บ่าวกึ่มกะเด่ข้างซ้ายเข้าไป พ่อสาวกึ่มบาย(จับ)แล้ว
? อืม..มือบักอั่นนี้ หยา(หยาบ)ดีคัก หยาคักก่อของผู้อื่นที่ผ่านมา? เลาคึด แล้วกะจำไว้
พอบาย(จับ)เบิ่ง จนครบเหมิดซุคน(ทุกคน) พ่อสาวตื๋อ กะออกมายืนประกาศ ให้ฮู้ทั่วกันว่า
? พ่ออยากได้ลูกเขยที่ขยันขันแข็ง เอาการเอางาน มาซ่อย(ช่วย)พ่อเฮ็ดงานเด้อ มือของคนที่หยาที่สุด กะคือมือของคน ที่ขยันเฮ็ดงานที่สุด แล้วพ่อกะได้บาย(จับ)เบิ่งมือ ของซุคน(ทุกคน)แล้ว มือของบัก.......
บักกึ่ม ... หยา(หยาบ)ที่สุด ดังนั้น พ่อขอตัดสินแล้วกะเลือก บักกึ่ม มาเป็นลูกเขยของพ่อ?
บ่าวกึ่มกะดีใจจ้าวๆ นั่นแหล่ว
คันบ่ใช้แผนข่าวเหนียว(ข้าวเหนียว)ทามือ สงสัยบ่าวกึ่มตกกระป๋องคักๆ เพราะว่ามือมันบ่ได้หยา(หยาบ)เลย
นี่ล่ะ พ่อเฒ่า กะเริ่มเสียรู้ลูกเขยตั้งแต่ทีแรก เสียรู้ไปเรื่อยๆ คือจั่งนิทานเรื่องพ่อเฒ่ากับลูกเขยนั่นล่ะ
พ่อของสาวตื๋อ เห็นว่าเถิง(ถึง)เวลาแล้วที่สิซ่อย(ช่วย)ลูกสาวเลือกคู่ กะบอกกับลูกสาวว่า
? พ่ออยากได้ลูกเขยที่ขยันขันแข็ง เอาการเอางาน มาซ่อยพ่อเฮ็ด(ทำ)ไฮ่เฮ็ดนา เด้ลูกเอ้ย พ่อสิซ่อย(ช่วย)เบิ่งให้?
? แล้วสิเบิ่งจั่งได๋ล่ะพ่อ จั่งสิฮู้ว่า ผู้ได๋เป็นคนขยันขันแข็ง เอาการเอางาน? สาวตื๋อถามพ่อ
? โอ้ย..มันสิเบิ่งยากหยัง ผู้ได๋ขยันเฮ็ดงาน หนักเอาเบาสู้ แค่บาย(จับ)มือกะฮู้แล้ว มือมันสิ หยาๆ ด้านๆ?
แล้วพ่อกะสั่งสาวตื๋อ ให้บอกพวกผู้บ่าว(ชายหนุ่ม)ที่มาเล่นนำซุคน ว่าพ่อสิเลือกลูกเขย ในมื้อนั่นมื้อนี้
นัดกันเรียบร้อย แล้วกะเถิงมื้อนัด ผู้บ่าวสาวตื๋อ กะมาซุคน(ทุกคน)เด้
ฝ่ายบ่าวกึ่ม เลากะฉลาด เอามือปั้นข้าวเหนียวที่มันแฉะๆ เหนียวๆ ให้ข่าวเหนียว(ข้าวเหนียว)ติดมือนั่นหนา แล้วกะปล่อยให้มันแห้ง เตรียมโตไว้ ท่าให้พ่อสาวตื๋อเลือกเต็มที่
พ่อสาวตื๋อ กะเอิ้นเข้าไปทีล่ะคนๆ บายมือแล้วบายมืออีก กะจดจำไว้ว่า มือผู้ได๋ หยา(หยาบ)กว่าผู้อื่น บาย(จับ)ไปบายมา กะมาเถิงคิวของบ่าวกึ่มเด้ อีตาทีเนี่ย
บ่าวกึ่มเด่มือขวาเข้าไป พ่อสาวตื๋อบาย(จับ)เบิ่ง
? โอ้.. มือบักอั่นนี้ หยา(หยาบ)ดีคักเว่ย ? เลาคึดย่องในใจ
? ไส ลองเอาข้างซ้ายมาเบิ่งดู้ ?
บ่าวกึ่มกะเด่ข้างซ้ายเข้าไป พ่อสาวกึ่มบาย(จับ)แล้ว
? อืม..มือบักอั่นนี้ หยา(หยาบ)ดีคัก หยาคักก่อของผู้อื่นที่ผ่านมา? เลาคึด แล้วกะจำไว้
พอบาย(จับ)เบิ่ง จนครบเหมิดซุคน(ทุกคน) พ่อสาวตื๋อ กะออกมายืนประกาศ ให้ฮู้ทั่วกันว่า
? พ่ออยากได้ลูกเขยที่ขยันขันแข็ง เอาการเอางาน มาซ่อย(ช่วย)พ่อเฮ็ดงานเด้อ มือของคนที่หยาที่สุด กะคือมือของคน ที่ขยันเฮ็ดงานที่สุด แล้วพ่อกะได้บาย(จับ)เบิ่งมือ ของซุคน(ทุกคน)แล้ว มือของบัก.......
บักกึ่ม ... หยา(หยาบ)ที่สุด ดังนั้น พ่อขอตัดสินแล้วกะเลือก บักกึ่ม มาเป็นลูกเขยของพ่อ?
บ่าวกึ่มกะดีใจจ้าวๆ นั่นแหล่ว
คันบ่ใช้แผนข่าวเหนียว(ข้าวเหนียว)ทามือ สงสัยบ่าวกึ่มตกกระป๋องคักๆ เพราะว่ามือมันบ่ได้หยา(หยาบ)เลย
นี่ล่ะ พ่อเฒ่า กะเริ่มเสียรู้ลูกเขยตั้งแต่ทีแรก เสียรู้ไปเรื่อยๆ คือจั่งนิทานเรื่องพ่อเฒ่ากับลูกเขยนั่นล่ะ